კრისტიან ერიქსენით სამი იტალიური კლუბია დაინტერესებული

04-ноя, 15;32 errora12 112

“კალჩომერკატოს” ინფორმაციით, მილანის “ინტერის” ნახევარმცველმა კრისტიან ერიქსენმა ზამთრის სატრანსფერო პერიოდში შესაძლოა, გუნდი გამოიცვალოს.
წყაროს თანახმად, 28 წლის ფეხბურთელით სამი იტალიური კლუბია დაინტერესებული: “რომა”, “მილანი” და “ლაციო”. დანიელი ნახევარმცველის შეძენა შესაძლოა, 20 მილიონი ევრო დაჯდეს.

შეგახსენებთ, რომ კრისტიან ერიქსენი “ინტერში” “ტოტენჰემ ჰოთსპურიდან” მიმდინარე წლის იანვარში გადავიდა. მას თავდაპირველად ძირითადი გუნდის წევრად განიხილავდნენ, თუმცა 28 წლის ნახევარმცველი ანტონიო კონტეს სქემას ვერ მოერგო და დიდ ნაწილს სათადარიგოთა სკამზე ატარებს.

 ერიქსენი სათამაშო დროის ნაკლებობით უკმაყოფილოა და “ინტერის” დატოვება ზამთრის სატრანსფერო პერიოდშივე სურს. მას იტალიურ კლუბთან შრომითი ხელშეკრულება 2024 წლის ზაფხულამდე აქვს გაფორმებული. სპეციალიზებული პორტალი მის სატრანსფერო ღირებულებას 50 მილიონ ევროდ აფასებს.


шаблоны для dle 11.2